კოენტრაუ : "შემეძლო "უტდ"-ში გადასვლა, მაგრამ "რეალი" ავირჩიე"
ფაბიო კოენტრაუს განცხადებით, მას როგორც შარშან, ასევე წელს მანჩესტერ "იუნაიტედიდან" არაერთხელ შეეხმიანნენ, თუმცა პორტუგალიელმა ფეხბურთელმა მადრიდის "რეალში" დარჩენა ამჯობინა...
"შარშან ზაფხულს მადრიდში არც ისე კარგი დრო მედგა, "მანჩესტერმა" კი სასტარტო შემადგენლობაში თამაში შემომთავაზა. სიმართლე გითხრათ დავფიქრდი, მაგრამ მივხვდი, რომ ჩემი ადგილი ინგლისში არ იყო და კარიერა "რეალში" უნდა გამეგრძლებინა. საბედნიეროდ, წინა სეზონში კარლომ არაერთხელ მომცა შანსი, მატჩების მეტი წილი უმაღლეს დონეზე ჩავატარე."
"ინგლისიდან ზარი აწ უკვე გასულ ზაფხულსაც გაისმა, მაგრამ მყისვე უარი განვაცხადე, რადგან "მერენგებში" დარჩენა მტკიცედ მაქვს გადაწყვეტილი."
"სამეფო კლუბში დიდი კონკურენციაა, მაგრამ ეს უფრო ძლიერს გხდის. მინდა შარშანდელზე კარგი სეზონი ჩავატარო და ჩატარებული მატჩების მხრივაც უკეთესი შედეგი დავაფიქსირო."
"ფიზიკურად თავს ძალიან კარგად ვგრძნობ, მადრიდის "რეალს" კი მსოფლიოს საუკეთესო კლუბად მივიჩნევ, ჩემი ადგილი აქ არის და წარმატების მიღწევისთვის ძალას არ დავიშურებ."
- 9 სექტემბერი 2014
- 1643
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
