ჩაბი ალონსოს სასამართლოში სარჩელი შეაქვს
მას შემდეგ, რაც გავრცელდა ინფორმაციები იმის შესახებ, რომ ჩაბი ალონსო მიუნხენის "ბაიერნში" ცოლის ეჭვიანობის გამო გადავიდა, ბასკი ფეხბურთელი გამომცემლობის წინააღმდეგ სამართლებრივ დავას გეგმავს...
Mundo Deportivo-ს ცნობით, ჩაბის გეგმებში არ შედიოდა ნავსაყუდელის გამოცვლა, თუმცა მისმა მეუღლემ არჩევანის წინაშე დააყენა.საქმე იმაში გახლავთ, რომ ფეხბურთელის მეორე ნახევარი, მომღერალ Russian Red-ზე ეჭვიანობდა და ამიტომაც, ბასკ ნახევარმცველს კატეგორიულად მოთხოვა „ან მადრიდის დატოვება, ან განქორწინება.
მადრიდის "რეალის" ფეხბურთელი აღშფოთებულია ხსენებული ინფორმაციის გაგებით და მზად არის გამომცემლობას სასამართლოში უჩივლოს.
ესპანელი ფეხბურთელი მაქსიმუმს მოითხოვს. ინფორმაცია უნდა გაქრეს ჟურნალ-გაზეთების ფურცლებიდან, მას კი მიყენებული მორალური ზიანი უნდა აუნაზღაურონ. მომდევნო დღეებში "ბაიერნის" ფეხბურთელის ადვოკატი სამართლებრივ დავას დაიწყებს.
- 6 სექტემბერი 2014
- 4835
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
