კარდიფში პერესი მანჩესტერელებს შეხვდა
გუშინდელი დღე ბევრი საინტერესო სიტუაციით იყო დახუნძლული, თუმცა ერთი გასაიდუმლოებული შეხვედრაც შემდგარა...
სამეფო კლუბის პრეზიდენტი, ფლორენტინო პერესი მანჩესტერელთა წარმომადგენლებს შეხვდა, მთავარი თემა კი ანხელ დი მარია იყო, რომელმაც "სევილიას" წინააღმდეგ მთელი მატჩი სათადარიგოთა სკამზე გაატარა.
ინგლისელები ესპანურ მხარესთან ინტენსიურ მოლაპარაკებებს აწარმოებენ, როგორც ჩანს არგენტინელი შემტევი სწორედ ლუის ვან გაალის განკარგულებაში გადავა.
ხამეს როდრიგესის გამადრიდელების შემდეგ ანხელის პოზიციები შესუსტდა, იგი ძალიან ახლოს იყო პარისენჟერმენში გადასვლასთან. მეტიც, საფრანგეთის დედაქალაქში ანხელის 11 ნომრიანი მაისურებიც იყიდებოდა, თუმცა მოლაპარაკება არ შედგა.
დი მარიას სუპერთასის მატჩში მთელი 90 წუთი სათადარიგოთა სკამზე ჯდომამ ალბათ ყველა მადრიდისტა დაარწმუნა, რომ ის ახალ სეზონში სხვა კლუბის ღირსებას დაიცავს, რომელსაც სავარაუდოდ მანჩესტერ "იუნაიტედი" ერქმევა.
- 13 აგვისტო 2014
- 2649
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
