ვალდანო და კარლოს ერნანდესი პეპეს ტრავმაზე
მადრიდის "რეალის" სპორტული დირექტორი და Sanitas La Moraleja–ს ექიმი პეპეს ტრავმაზე...
კარლოს ერნანდესი (ექიმი):
"პეპემ გაიწყვიტა მარჯვენა მუხლის მყესები. საბედნიეროდ მუხლის დანარჩენი ნაწილი წესრიგშია. მომავალ კვირას ფეხბურთელს გაუკეთდება ოპერაცია. გამოჯანმრთელების კურსი ექვს თვეს გასტანს".
"მათემატიკურად რომ ვიმსჯელოთ, პეპე ვერ ითამაშებს მსოფლიო ჩემპიონატზე, თუმცა ჩვენ გვაღელვებს ფეხბურთელის სრული გამოჯანმრთელება და მუხლის სტაბილურობა".
"როგორც ხვდებით, ფეხბურთელი ძალიან ცუდად გრძნობს თავს. ჩვენ მას ვაცნობეთ დიაგნოზის შესახებ, მაგრამ ის ყველაფერს მამაკაცურად დაუდგა".
ხორხე ვალდანო:
"საუბედუროდ ჩვენ ძალიან ცუდი შედეგი მივიღეთ. სამედიცინო პერსონალი ფეხბურთელს ამცნობს დიაგნოზის შესახებ".
"პეპე შეუცვლელი ფეხბურთელია. ასეთ ფეხბურთელს ვერ იპოვნი სატრანსფერო ბაზარზე. ორშაბათს განვიხილავთ სიტუაციას და ვნახავთ. რა ზომებს მიიღებს კლუბი".
"ყველაზე მთავარი, რაც დღეს გვაღელვებს, ეს არის ფეხბურთელის მდგომარეობა. ორშაბათს ვისაუბრებთ შესაძლო ტრანსფერებზე. არ ვუარყობთ იმ ფაქტს, რომ ვინმეს შევიძენთ. ყურადღებით უნდა მივადევნოთ თვალი სატრანსფერო ბაზარზე მყოფ ფეხბურთელებს, რადგან ჩვენ დავკარგეთ ტოპ–კლასის მცველი, რომლის მაგვარიც არ იშოვება სატრანსფერო ბაზარზე".
ინფორმაციის წყარო: Realmadrid.com
- 13 დეკემბერი 2009
- 1903
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
