კარლომ ისკოსთვის სპეციალური პროგრამა შეიმუშავა
კარლო ანჩელოტი ისკო ალარკონის გაშვებას ეწინააღმდეგება და ამას ღიად აცხადებს. მეტიც, იტალიელმა სპეციალისტმა ესპანელი ახალგაზრდისთვის სპეციალური პროგრამაც კი შეიმუშავა...
საქმე ისკოს პოზიციის შეცვლას ეხება. მოგეხსენებათ, კარლოს ეს საქმე არ ეშლება, მან შესანიშნავად გაარკვია თუ სად შეეძლო ასპარეზობა ანხელ დი მარიას და გაცილებით უფრო ეფექტური გახადა მოედნის ცენტრში, ვიდრე ფლანგზე იყო.
იტალიელი სპეციალისტი ალარკონს განსაკუთრებული ყურადღებით ავარჯიშებს, მას სჯერა რომ ესპანელ მოთამაშეს როგორც ნახევარდაცვის ცენტრში, ასევე ცრუ ცხრიანის პოზიციაზე ასპარეზობაც თავისუფლად შეუძლია.
კარლო თვლის, რომ მას კარიმ ბენზემას გარდა ფორვარდი არ ესაჭიროება, რადგან სამეფო კლუბს განსხვავებული ტაქტიკა აქვს. იტალიელი სპეციალისტის აზრით თავდამხმელი იმისთვის არ უნდა იყოს "ბლანკოსში", რომ გოლი გაიტანოს, იგი ძალიან უნდა დაეხმაროს გარეთ ბეილსა და კრიშტიანო რონალდუს, რაც ისკოს მშვენივრად გამოსდის.
შეერთებულ შტატებში ისკო ახალ პოზიციაზე თამაშის მანერას ეუფლება, ასე რომ დიდი შანსი იმისა ესპანელი ცრუ ცხრიანზე ხშირად ვიხილოთ.
- 28 ივლისი 2014
- 3430
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
