"რეალს" "იუნაიტედიც" ეცილება
ხამეს როდრიგესს ახალი მსურველი გამოუჩნდა
"მადრიდის რეალს" "მანჩესტერ იუნაიტედის" სახით სერიოზული მეტოქე გამოუჩნდა ხამეს როდრიგესის შეძენის საკითხში. მიუხედავად იმისა, რომ ფეხბურთელსა და კლუბს შორის არსებობს შეთანხმება, ინგლისური პრესა დღეს იუწყება, რომ "მანჩესტერ იუნაიტედი" მზადაა "მონაკოს" მსუყე წინადადებით მიმართოს და 63 მლნ. ფუნტი (80 მლნ. ევრო) გაიღოს ფეხბურთელის სანაცვლოდ.
"იუნაიტედმა" ამ დღეებში გააფორმა კონტრაქტი ადიდასთან, რომლის მიხედვითაც 2015 წლიდან ათი წლის მანძილზე ინგლისური კლუბი წლირად 94,7 მლნ. ევროს მიიღებს, რაც მას სერიოზულ მარკეტინგულ უპირატესობას ანიჭებს. ასევე ინგლისურ პრესაში საუბრებია იმაზეც, რომ ლუის სუარესის სანაცვლოდ მიღებული 81 მლნ. ევროს დახარჯვას "ლივერპული" სწორედ ახალგაზრდა კოლუმბიელის გადმოსაბირებლად აპირებს.
ხამეს როდრიგესი "მონაკოში" წინა სეზონში გადავიდა "პორტოდან" 45 მლნ. ევროს სანაცვლოდ.
წყარო: AS
- 16 ივლისი 2014
- 3462
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
