ხაბი ალონსო:"შემიძლია "ვალენსიასთან" თამაში"
მადრიდის "რეალის" ბასკი ნახევარმცველის ხაბი ალონსოს თქმით, მას შეუძლია "ვალენსიას" წინააღმდეგ თამაში.
"თავს კარგად ვგრძნობ. ტკივილები არ მაწუხებს. "ვალენსიასთან" შემიძლია თამაში. ვარჯიშებზე კარგად ვემზადებოდი. ვილია, მატა, პაბლო, ხოაკინი... ძალიან სახიფათონი არიან. ნაკრებში მეგობრები ვართ, მაგრამ შაბათს მოწინააღმდეგეები ვიქნებით. ორივე გუნდს სურს მოგება" – აცხადებს ხაბი.
18 დეკემბერს გაიმართება ჩემპიონთა ლიგის კენჭისყრა. ალონსომ ამაზეც გააკეთა კომენტარი: "თუ გვსურს რამის მიღწევა, ძლიერი გუნდები უნდა დავამარცხოთ. პატარა გუნდებსაც შეუძლიათ დიდი ბრძოლის გამართვა. ეს ჯგუფურ ეტაპზეც კარგად გამოჩნდა". ბასკ ნახევარმცველს შეკითხვა დაუსვეს, რომელი გოლი მოეწონა: რონალდოს მიერ "მარსელის" კარში გატანილი ჯარიმა თუ მესის მიერ "დინამო კიევის" კარში. "კრისტიანოს მივანიჭებ უპირატესობას, რადგან ცოცხლად ვიხილე პორტუგალიელის გოლი. მესის გოლზე საუბარი რთულია".
ალონსომ ასევე ისაუბრა სისხლის ჩაბარების შესახებ: "ეს ძალიან მნიშვნელოვანია ხალხისთვის. ისინი ძალიან კეთილშობილურ საქმეს აკეთებენ. მე მივესალმები ამას".
ინფორმაციის წყარო: Realmadrid.com
- 10 დეკემბერი 2009
- 3635
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
