დი მარია : "რასაც ლეო აკეთებს, ვერავინ შეძლებს"
ანხელ დი მარიამ "მარკასთან" ინტერვიუში განაცხადა, რომ მისი ნაკრები წლეულს ძალიან ძლიერად გამოიყურება და ამაში დიდი წვლილი ლიონელ მესის შეაქვს, რომელიც მსოფლიოს საუკეთესო ფეხბურთელად მიაჩნია...
"ჩვენ მაქსიმუმი ჯერ არ გამოგვივლენია, ამ გუნდს უდიდესი პოტენციალი აქვს, დარწმუნებული ვარ მომდევნო პაექრობებში კიდევ უფრო მოვუმატებთ და გულშემატკივარს ნამდვილ არგენტინის ნაკრებს ვაჩვენებთ."
"ვიცით, რომ კონკურენტები გაორმაგებული ძალებით გვეთამაშებიან, მათ ჩვენი ნაკრების შიში და პატივისცემა აქვთ."
"მესი დიდებული ფეხბურთელია, ის ეროვნულ გუნდს ყველაზე დიდ დახმარებას უწევს. მესის დონეზე დღევანდელ მსოფლიოში ვერცერთი მოთამაშე ვერ ასპარეზობს. აბსოლუტურად ყველა მოთამაშე მის შეჩერებას ცდილობს, მაგრამ ვერ ახერხებს."
ამ განცხადებამდე ანხელ დი მარია წლების მანძილზე ამბობდა, რომ რონალდუ და მესი სხვადასხვა სტილის მოთამაშენი არიან, რომლის შედარებაც არ შეიძლება და საუკეთესოს გამოყოფა ურთულესი საქმეა, დღეს კი ვხედავთ, რომ ის ცალსახად უჭერს მხარს თანამემამულეს, რაც კიდევ უფრო იძლევა იმის თქმის საშუალებას, რომ იგი რონალდუსთან ერთად მომავალ სეზონში აღარ გამოვა მწვანე მინდორზე.
- 30 ივნისი 2014
- 5116
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
