მადრიდში სუარესის კანდიდატურას ძალიან სერიოზულად განიხილავენ
მას შემდეგ, რაც ურუგვაის ნაკრებმა ლუის სუარესის დუბლის წყალობით ინგლისის ნაკრების დამარცხება შეძლო, მადრიდის "რეალის" ხელმძღვანელობა წინახაზელის დამატების საკითხს უკვე ძალიან სერიოზულად განიხილავს...
ცხადია, ლუისი დღესდღეობით მსოფლიოს მასშტაბით ერთ-ერთი საუკეთესოა. მას აქვს ძლიერი დარტყმა, ტექნიკა, სისწრაფე და ყველა ის მონაცემები, რომელიც უმაღლესი დონის ფორვარდს შესაძლოა ჰქონდეს.
ფლორენტინო პერესი ფეხბურთელის სანაცვლოდ 70 მილიონ ევროს იხდის, მაგრამ ლივერპული ყველაფერს აკეთებს ფეხბურთელის შესანარჩუნებლად, ანაც ძალიან სარფიან ფასში გასაყიდად.
ინგლისლეები სუას სანაცვლოდ 90 მილიონ ევროს ითხოვენ, რაც მეტისმეტად დიდი ციფრი გახლავთ.
გავრცელებული ინფორმაცით მადრიდის "რეალი" სხვა გზით შეეცდება ფეხბურთელის მოხიბვლას. ფლორენტინო პერესი ურუგვაელ წინახაზელს წლიურად 8.5 მილიონ ევროს შესთავაზებს, რაც გაცილებით მეტია მის ამჟამინდელ ხელფასზე, რომელსაც იგი "მერსისაიდულ" კლუბში იღებს.
მადრიდის "რეალში" გადასვლა, ამას დამატებული შესანიშნავი ხელფასი ნამდვილად მაცდური წინადადება, რომელმაც ფეხბურთელი წესით უნდა მოხიბლოს, თუმცა დაველოდოთ მოვლენათა განვითარებას.
- 20 ივნისი 2014
- 1897
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
