კანავარო : "ჩემი ფავორიტი რამოსი გახლავთ"
ფაბიო კანავაროს განცხადებით, მისი კუმირი სერხიო რამოსი გახლავთ, რადგან ესპანელი დიდებული უკანახაზელია...
"არ მესმის რატომ არ შეიძლება ხშირად მოიპოვოს მცველმა ოქროს ბურთი? 2006 წელს ეს მოვახერხე, რადგან დიდებული სეზონი ჩავატარე, იგივეს თქმა შემიძლია სერხიო რამოსზე."
"რომ არა ესპანელის დიდებული ასპარეზობა მიუნხენსა და ფინალში, "რეალი" ვერ იქნებოდა ისეთივე წარმატებული როგორიც ახლაა. მე ვიცი თუ რას წარმოადგენს სერხიო, რადგან მასთან ერთად თამაშის საშუალება მქონდა, მაშინ ის ძალიან ახალგაზრდა და გამოუცდელი იყო, თუმცა დიდ ფიზიკურ ძალას ფლობდა."
"ხალხი ფიქრობს, რომ ყველაფერი ნახევარმცველებსა და ფორვარდებზეა დამოკიდებული, მაგრამ მერწმუნეთ, რომელ გუნდსაც სოლიდური დაცვა ჰყვას, უდიდეს წარმატებას აღწევს. უკანახაზელს ერთი შეცდომაც კი არ გეპატიება, რადგან ამან შეიძლება შენ კარში გოლი გამოიწვიოს, წინახაზელის მიერ აცილებული ბურთი კი შესაძლოა არ აღმოჩნდეს გადამწყვეტი."
"ვფიქრობ, თუ რამოსი მუნდიალს ღირსეულად ჩაატარებს, ის ოქროს ბურთს იმსახურებს, რადგან ყველა ის მონაცემი აქვს, რომელიც საუკეთესო კალიბრის კრიტერიუმებს აკმაყოფილებს."
- 11 ივნისი 2014
- 2351
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
