არსენალს ხედირას შეძენის მიზერული შანსი აქვს
მოგეხსენებათ, გუშინ გავრცელდა ინფორმაციები იმის შესახებ, რომ მადრიდის რეალის ნახევარმცველი, სამი ხედირა არსენალის ინტერესის არეალშია და ლონდოლები მოლაპარაკებებს გეგმავენ...
"მეთოფეები" საკუთარი შემადგენლობის გაძლიერებას მნიშვნელოვნად გეგმავენ, მათ ეს ოპერაცია შარშან დაიწყეს, როდესაც ხმაურიან ტრანსფერებზე გააკეთეს აქცენტი, ყველაზე მეტად მესუთ იოზილის შეძენამ გამოიწვია "ჭექა-ქუხილი", თუმცა როგორც ცანს ეს ფინიში არ არის და ინგლისელებს მეორე გერმანელის დამატებაც სურთ საკუთარ რიგებში.
ინგლისურ პრესაზე დაყრდნობით "არსენალს" სამის შეძენის ძალიან დაბალი შანსი აქვს, რადგან ისინი მხოლოდ 20 მილიონ ევროს იმეტებენ ფეხბურთელისთვის, რაც აბსოლუტურად არაფერს წარმოადგენს რუსი რომან აბრამოვიჩისთვის.
უკვე დიდი ხანია ცნობილი გახლავთ, რომ ჟოზე მოურინიოს ხედირას დამატება სურს, ის გერმანელ ნახევარმცველს ეთაყვანება და აცხადებს, რომ "რეალში" მისი ერთ-ერთი საყვარელი შეგირდი სწორედ "ექვსიანი" იყო.
იმ შემთხვევაში თუ კარლო ანჩელოტი ფეხბურთელის გაშვებას დათანხმდა, ბრძოლაში რამდენიმე გუნდი ჩაებმება, თუმცა ჩელსი არსენალთან შედარებით აუცილებლად მიღებს ფავორიტის სტატუსს, ვინაიდან "არისტოკრატებს" საკმაოდ მყარი ბიუჯეტი აქვთ და ფულის დახარჯვა არ ენანებათ.
- 11 ივნისი 2014
- 1652
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
