მსოფლიო პირველობის დაწყებამდე 1 დღით ადრე, „წითლებმა“ უკანასკნელი ტესტ-მატჩი გამართეს.

ნიუ ჯერსიში ჩატარებულ შეხვედრაში, პორტუგალიელები ირლანდიის რესპუბლიკას დაუპირისპირდნენ.შეხვედრა საკმაოდ სანახაობრივი გამოდგა და 90 წუთის შემდეგ, ტაბლოზე 1-5 დაფიქსირდა ბენტუს დამოძღვრილების სასარგებლოდ.

ნიშანდობლივია, რომ ორი ამხანაგურის გამოტოვების შემდეგ, მწვანე მინდორს დაუბრუნდა კრიშტიანუ რონალდუ, რომელმაც საქმეში 65 წუთი გაატარა, თუმცა გოლი არ გაუტანია, რასაც ვერ ვიტყვით კოენტრაუზე.ამ უკანასკნელმა შეუსვენებლად იასპარეზა და შერკინებაში საბოლოო წერტილიც თვითონ დასვა.რაც შეეხება პეპეს, ცენტრალური მცველი მეორე ნახევარში შემოვიდა მოედანზე.

პორტუგალიელების რიგებიდან, ფაბიუს გარდა, ალმეიდამ (დუბლი) და ვიეირინიამ გამოიჩინეს თავი, ხოლო 1 გოლი, საკუთარ კარში ჩაჭრა მოწინააღმდეგემ.