კარანკა : "მორატა სხვა ქვეყანაში არ უნდა განათხოვრდეს"
ჟოზე მოურინიოს ყოფილი თანაშემწის, აიტორ კარანკას განცხადებით, ალვარო მორატას სხვა ქვეყანაში გაშვება შესაძლოა ფატალური შედეგის მომტანი იყოს...
"ახალგაზრდა ალვარო ძალიან პროდუქტიული მოთამაშეა, თუმცა მას დრო სჭირდება. კასტილიასა და ესპანეთის ეროვნულ ნაკრებში იგი ბრწყინვალე შთაბეჭდილებას ტოვებდა. მორატა ნამდვილი ცხრიანი გახლავთ."
"კანტერანოს იჯარით გასხვისება კარგი იდეაა, თუმცა ვთვლი, რომ ეს ესპანეთის საზღვრებს გარეთ არ უნდა მოხდეს, რადგან ამან შესაძლოა ფეხბურთელზე უარყოფითად იმოქმედოს."
"ლა ლიგის ნებისმიერ გუნდს მორატას დონის ფორვარდი სჭირდება, ამ ფეხბურთელს ნამდვილად აქვს პოტენციალი."
"იმ შემთხვევაში თუ ალვარო იტალიაში ან ინგლისში გადავა, დაახლოებით ნახევარი წელიწადი ადაპტირებისთვის დაჭირდება, ამ დროში კი მან შესაძლოა კონდიციაც დაკარგოს, რაც არავის აწყობს."
"ესპანეთი მორატასთვის ნაცნობია და ის ნებისმიერ კლუბს უფრო მარტივად მოერგება და "ბლანკოსს" გაცილებით უფრო დიდი პრაქტიკით დაუბრუნდება."
- 10 ივნისი 2014
- 1535
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
