ხელმძღვანელობა "კასტილიას" მიხედავს
მადრიდის "რეალის" ახალგაზრდული გუნდის ქვედა დივიზიონში დაქვეითებამ ფლორენტინო პერესი და სამეფო კლუბის ხელმძღვანელობა საგონებელში ჩააგდო...
როგორც ჩანს ამ საკითხით მადრიდში სერიოზულად შეწუხდნენ და ახალგაზრდულ გუნდში დიდ გარდაქმნებს აპირებენ. გავრცელებული ინფორმაციით ფლორენტინო პერესი მზად არის "კასტილიას" 5-6 ახალგაზრდა და ძალიან პერსპექტიული ფეხბურთელი შემატოს იმისათვის, რომ კლუბმა მომდევნო სეზონში აღზევება მოახერხოს.
კანდიდატები ჯერ-ჯერობით არ სახელდება, თუმცა პერესს გადაწყვეტილი აქვს, რომ გუნდის ახალწვეულები ძირითადად ესპანელები იქნებიან, ეს კიდევ უფრო შეუწყობს ხელს როგორც ახალგაზრდული, ასევე მთავარი გუნდის "ესპანიზაციას", რადგან მოვა დრო როდესაც მთავარ გუნდში თამაშის საშუალება მათაც მიეცემათ.
ესპანურ საინფორმაციო წყაროებზე დაყრდნობით, პერესი ამ ზაფხულს დაახლოებით 15-20 მილიონ ევროს ამზადებს, რაც თავიდან ბოლომდე კანტერანოებს მოხმარდებათ. ამ თანხის ძირითადი ნაწილი კი რაღა თქმა უნდა ტრანსფერებში დაიხარჯება.
- 10 ივნისი 2014
- 1709
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
