ზიზუ ვენგერს შეხვდა
მადრიდის "რეალის" მთავარი მწვრთნელის ასისტენტი, ზინედინ ზიდანი ლონდონის არსენალის მთავარ მწვრთნელს, არსენ ვენგერს შეხვდა...
თანამემამულეებმა ერთად ივახშმეს და სხვადასხვა თემა მიმოიხილეს, ისინი წელს ბრაზილიაში გასამართ მუნდიალს მხარს საფრანგეთის ეროვნულ ნაკრებს უჭერენ.
გავრცელებული ინფორმაციით ეს შეხვედრა არსენის ინიციატივით მოხდა, ვენგერმა ზიზუს დაურეკა და შეხვედრა თხოვა, მთავარი თემა კი ალვარო მორატა იყო, რომელსაც ტურინის იუვენტუსს უკავშირებდნენ, თუმცა როგორც ჩანს მოლაპარაკებები არ შედგა, რადგან იტალიელებს არა იჯარა, არამედ ფეხბურთელის ყიდვა სურდათ, ფლორენტინო პერესი კი არაფრის დიდებით არ შეელია ახალგაზრდა კანტერანოს.
ვენგერს იმედი მიეცა, რომ ალვაროსთვის ბრძოლა შეიძლება, სწორედ აქედან გამომდინარე მან ზიდანთან შეხვედრა საჭიროდ ჩათვალა, მას სურს, რომ ფრანგმა ლეგენდამ დაარწმუნოს როგორც საკუთარი გუნდის ხელმძღვანელობა, ასევე თავად ფეხბურთელი, რომ გეზი ნისლიანი ალბიონისკენ აიღოს.
შეხვედრის სხვა დეტალები არ ხმაურდება, ხოლო რა შედეგი მოჰყვება თანამემამულეების მოლაპარაკებას დრო გვაჩვენებს.
- 7 ივნისი 2014
- 2263
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
