"Corriere Dello Sport"–ის ცნობით, მადრიდის "რეალი" იანვარში მზადაა უფასოდ დაუთმოს "რომას" ჰოლანდიელი ფორვარდი რუუდ ვან ნისტელროი. თავად რუუდიც თანახმაა კლუბის გამოცვლაზე.

გასულ კვირას მოლაპარაკებები შედგა "რომას" პრეზიდენტ როზელა სენსსა და მადრიდულ მხარეს შორის ჰოლანდიელი ფორვარდის ტრანსფერის თაობაზე. მადრიდელთა პრეზიდენტი ფლორენტინო პერესი თავის დამხმარე ერნესტო ბრონძეტისთან ერთად დათანხმდა "ვან გოლის" უფასოდ გაშვებას რომაულ კლუბში.

ამ ზაფხულს რუუდმა უარყო რომაელთა შემოთავაზება, რადგან ძირითადში თამაშის იმედი ჰქონდა, მაგრამ როცა მიხვდა, რომ ეს შეუძლებელია, გადაწყვიტა დატოვოს გუნდი, რათა გაემგზავროს მსოფლიო ჩემპიონატზე სამხრეთ აფრიკაში ჰოლანდიის ნაკრებთან ერთად.

ვან ნისტელროი 33 წლისაა. მადრიდში ის 2006 წელს გამობარგდა. მას "სამეფო კლუბთან" კონტრაქტი 2010 წლამდე აკავშირებს.

ასევე "Corriere Dello Sport"-ის ცნობით, ნისტელოის შეძენით ორი ინგლისური კლუბია დაინტერესებული. ერთ–ერთი კი "ტოტენჰემია".


ინფორმაციის წყარო: As.com������� dle 10.1������� ������� ������