იუვენტუსი მორატაში 13 მილიონზე მეტის გადახდას არ აპირებს
მოგეხსენებათ, ტურინის იუვენტუსი ალვარო მორატას შეძენით არის დაინტერესებული, ახალგაზრდა ესპანელი ფორვარდი ძალიან ესიმპატიურება ანტონიო კონტეს, რომელიც სწორედ "ბებერ ქალბატონს" უდგას სათავეში...
წინა დღეებში ვრცელდებოდა ინფორმაციები იმის შესახებ, რომ სამეფო კლუბის პრეზიდენტი ფლორენტინო პერესი ფეხბურთელის სანაცვლოდ 20 მილიონი ევროს მიღებას გეგმავს, იტალიელები კი მიიჩნევენ, რომ ხსენებული ციფრი მეტისმეტად გაბერილია.
დღევანდელი ინფორმაციით "ბებერი ქალბატონის" ხელმძღვანელობა ოფიციალური შეთავაზების გაკეთებას გეგმავს, იტალიელეს ესპანეთის დედაქალაქში ვიზიტი და მოლაპარაკებების დაწყება სურთ.
"იუვენტუსი" მზად არის ალვაროს სანაცვლოდ 13 მილიონი ევრო გაიღოს, თუკი ფლორენტინო ამ შეთავაზებას არ დათანხმდება მოლაპარაკებები შესაძლოა ჩიხში შევიდეს, რადგან მიერ მიერ დასახელებული თანხა ახალგაზრდა, გამოუცდელი ფორვარდისთვის მეტისმეტია. (ყოველ შემთხვევაში ტურინში ასევე ფიქრობენ).
Corriere-ს ცნობით იმ შემთხვევაში თუ შეთანხმება არ შედგა, "რეალმა" მორატა შესაძლოა პოგბას ან არტურო ვიდალის ტრანსფერში ჩართოს, მაგრამ ამ შემთხვევაში ესპანელებს საკმაოდ სოლიდური თანხის დამატება მოუწევთ.
- 2 ივნისი 2014
- 3084
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
