ლიოვი: "ხედირას დრო სჭირდება"
გერმანიის ეროვნული ნაკრების მწვრთნელმა, იოაჰიმ ლიოვმა სამი ხედირას მდგომარეობაზე ისაუბრა.
"ნაკრებში ყველაფერი რიგზე არ არის. რადგან გვაკლია გუნდის კაპიტანი, ლამი. ასევე კითხვის ნიშნის ქვეშ დგას ბასტიან შვაინშტაიგერის და სამი ხედირას მდგომარეობა. ეს ფეხბურთელები ჩემი გუნდის უცვლელი წევრები არიან და დიდი სურვილი მაქვს კამერუნის და ამერიკის ეროვნული ნაკრების წინააღმდეგ მინდორზე გამოვიყვანო."
"ხედირამ ჩემპიონთა ლიგის ფინალი მთლად კარგად ვერ ჩაატარა, რაც ჩემი აზრით მოულოდნელი არ უნდა ყოფილიყო. მას მთელი სეზონი გაუცდა და როდესაც ასეთი სერიოზული ტრავმის შემდეგ ბრუნდები მწვანე მინდორზე, ძალიან რთულია გაუმკლავდე მეტოქეს, განსაკუთრებით როდესაც ჩამშლელის პოზიციაზე თამაშობ. ხედირას დრო სჭირდება რეაბილიტაციისთვის და დარწმუნებული ვარ იგი აუცილებლად აღიდგენს უწინდელ ფორმას."
- 27 მაი 2014
- 2079
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
