ბეილი პირველ სეზონს ატარებს სამეფო კლუბში და უკვე ჩემპიონთა ლიგის გინალში მოუწევს თამაში.

ლისაბონის ფინალის წარმატებით დასრულების შემთხვევაში, გარეთი მეოთხე უელსელი იქნება, რომელიც ევროპის ყველაზე პრესტიჟული ტურნირის მოგებით დაიტრაბახებს.

შორეულ 1977 წელს, ჯოი ჯონსი პირველი ადამიანი გახდა თავის ქვეყანაში, ვინც ჩ/ლიგის ტიტულს გაუგო გემო.„ლივერპულის“ რიგებიდან, ჯოიმ ზედიზედ ორჯერ მოახერხა ტიტულის დაბევება (1976/77, 1977/78).ასევე, ორჯერ და ასევე „მერსისაიდელების“ მიასურით იჩემპიონა გამარჯვება იან რანშმაც (1980/81, 1983/84), ხოლო თანამემამულეებს არც გიგსი ჩამორჩა, რომელმაც სხვა ინგლისურად გრანდთან ერთად, ჯერ 1998/99 და შემდეგ 2007/08 წ.წ. სეზონებში მოიგო ლიგა.

ვნახოთ, რას იზამს გარეთ ბეილი.მასზე ჯოი ჯონსმა ბევრი ისაუბრა:

„ბეილი სულაც არ ექცევა რონალდუს ჩრდილში.პირიქით, ისინი დიდებულად უგებენ ერთმანეთს.“

„თუ სადებიუტო სეზონში მაოხერხებს ჩ/ლიგის მოგებას, უბრალოდ ფანტასტიკური იქნება.მას გააჩნია ყველაფერი იმისათვის, რომ იყოს საუკეთესო, თუმცა ყოველთვის გაუმჯობესებაზე უნდა იფიქროს.“

„საუკეთესო ფეხბურთელები მხოლოდ ერთი სეზონით არ შემოიფარგლებიან.საჭიროა, 5-6 წელი უმაღლეს დონეზე ასპარეზობა, რათა ისტორიის ნაწილი გახდე.ვფიქრობ, ბეილს აქვს ამის მონაცემები.პირადად არ ვიცნობ, თუმცა უელსის ახალგაზრდული ნაკრების თავკაცმა მითხრა, რომ გარეთისთვის შეუძლებელი არაფერია საფეხბურთო მოედანზე.“

„ის ნამდვილად მისაბაძია.ჩემს ახალგაზრდა შეგირდებს ხშირად ვეუბნები, რომ მაგალითი აიღონ მისგან.“

„ვერ გეტყვით, როგორ გავუმკლავდებოდი ბეილს თამაშის დროს.ალბათ, მოტოკიკლი დამჭირდებოდა.“

„მას შეეძლო კომფორტულ ზონაში დარჩენა (პრემიერ ლიგა) და საკმაოდ მშვიდად, დიდი თანხების გამომუშავება, მაგრამ მსოფლიო დონის კლუბში გადასვლა არჩია და ამით უზარმაზარი პასუხისმგებლობა აიღო.ბეილი განვითარებაზე ფიქრობს და სრულყოფილებამდე მიისწრაფვის.მჯერა, რომ ყველაფერს შეძლებს.“

Mirror������� dle 10.1������� ������� ������