გვარდიოლამ "რეალზე" ისაუბრა
"ბაიერნის" მთავარმა მწვრთნელმა, პეპ გვარდიოლამ მადრიდის "რეალთან" დაშვებული შეცდომა აღიარა.
სამეფო კლუბთან განცდილი მარცხი...
"სანამ ბუნდელს ლიგის ბედს გადავწყვეტდით, ყველაფერი შესანიშნავად იყო. "ბაიერნის" წინააღმდეგ თამაში ყველას შიშის ზარს სცემდა, თუმცა ჩემპიონობის შემდეგ იყო ჩავარდნა და მადრიდის "რეალმა" ისარგებლა ამით. საერთო ჯამში სეზონით კმაყოფილი ვარ."
გერმანიაში გატარებული პირველი წელი...
"ჩემი სამწვრთნელო კარიერის განმავლობაში ეს იყო ყველაზე რთული წელი. უპირველესყოვლისა ხაზი მინდა გავუსვა იმას, რომ გერმანულად ჯერ კარგად ვერ ვმეტყველებ, რაც ხელს უშლის ჩემს ფეხბურთელებთან მყისიერი დიალოგის დამყარებას. ჰაინკესმა დიდებული გუნდი ჩამაბარა და ვეცდები მომავალი სეზონი გაცილებით უფრო კარგი იყოს."
ჩემპიონთა ლიგაში მარცხი
"ჩემპიონთა ლიგა ეს არის უდიდესი გამოწვევა ნებისმიერი კლუბისთვის. ევროპული გუნდები ერთმანეთს ეჯიბრებიან საუკეთესოს გამოვლენაში. ჩვენ სამეფო კლუბთან დავმარცხდით და ვფიქრობ თეთრები მიმდინარე სეზონის ღირსეული გამარჯვებული იქნებიან. "რეალის" წინააღმდეგ ვერაფერი გავაწყვეთ და დავმარცხდით. ეს არის დიდი კლუბი და ჩემი აზრით, სწორედ ბლანკოსი შეძლებს გამარჯვების მოპოვებას ლისაბონის ფინალში."
- 18 მაი 2014
- 5817
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
