ტოლდო : "იკერი დღესდღეობით საუკეთესოა"
ფრანჩესკო ტოლდო, რომელიც წლების მანძილზე იცავდა მილანის "ინტერისა" და იტალიის ნაკრების ღირსებას ჟურნალისტებს შეხვდა და იკერ კასილასზე ისაუბრა...
"არ ვიცი რა სიტყვები გამოვიყენო კასილასის შესაქებად, ის დიდებული კაპიტანია. წლების მანძილზე საუკეთესო მეკარედ ჯანლუიჯი ბუფონს ვთვლიდი, ჩემი თანამემამულე მოწოდების სიმაღლეზე იდგა, მაგრამ დღევანდელ დღეს მიუხედავად იმისა, რომ კარლო ანჩელოტი მხოლოდ ჩემპიონთა ლიგასა და სამეფო თასის მატჩებში ათამაშებს, იკერ კასილასი საუკეთესოა."
"ლისაბონის ფინალში ორივე გუნდს დიდებული კიპერები ეყოლებათ იკერისა და კურტუას სახით. ბელგიელი მეკარე ახალგაზრდული ასაკის მიუხედავად უდიდეს შედეგებს აჩვენებს, არ გამიკვირდება თუ რამდენიმე წელიწადში ის საუკეთესო კარის დარაჯის წოდებას მიიღებს."
"ფავორიტზე საუბარი რთულია, თუმცა მადრიდის "რეალს" ევრო ტურნირებზე გაცილებით უფრო დიდი გამოცდილება აქვს ვიდრე "ატლეტიკოს", მაგრამ "როხიბლანკოელებს" ენთუზიაზმი არ უნდა დავუკარგოთ, ისინი ნამდვილად სამაგალითოდ თამაშობენ."
"კითხვა, რომელიც მსოფლიოს საუკეთესო ფეხბურთელს შეეხება დიდი უაზრობაა, რადგან კრიშტიანო რონალდუს ბოლო წელიწადნახევარში კონკურენტი არ ჰყავს, პორტუგალიელი ფეხბურთელი ასაკის მატებასთან ერთად პროგრესს განიცდის, მისი უკუსვლა როგორც ჩანს ჯერ ადრეა."
- 16 მაი 2014
- 2856
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
