კაფუ : "ეჭვი არ მეპარება "რეალის" წარმატებაში"
ლეგენდარული ბრაზილიელი ფეხბურთელი, კაფუ, რომელსაც როგორც საკლუბო, ასევე სანაკრებო დონეზე უამრავი წარმატებისთვის მიუღწევია, ჟურნალისტებს შეხვდა და ჩემპიონთა ლიგის ფინალზე ისაუბრა...
"დარწმუნებული ვარ 24 მაისს დიდებული ფინალის მომსწრენი გავხდებით, რადგან მადრიდელები ერთმანეთს არაფერს დაუთმობენ. ზოგადად, დერბი ყოველთვის მეტად საინტერესო გახლავთ, მითუმეტეს ევროპის ყველაზე პრესტიჟული ტურნირის ფინალში."
"ფავორიტად სამეფო კლუბს მივიჩნევ, თუნდაც იმიტომ, რომ კარლო ანჩელოტის განკარგულებაში მსოფლიოს საუკეთესო ფეხბურთელი, კრიშტიანო რონალდუ ჰყავს."
"მადრიდის "ატლეტიკოს" დღევანდელ დღეს ევროპაში ნამდვილად ეთქმის სიტყვა, მათ სამართლიანად მოიპოვეს ფინალისტის სტატუსი და დიდ წარმატებას მიაღწიეს, მაგრამ "ბლანკოსს" მათზე ბევრად დიდი გამოცდილება აქვს, ამას ემატება მსოფლიო დონის ფეხბურთელები, რომლებიც ყველაფერს გააკეთებენ მეათე თასის მოსაპოვებლად."
"როდესაც გუნდში კრიშტიანო გყავს ყოველთვის წინ ხარ, დარწუნებული ვარ თითოეულ ფეხბურთელს პორტუგალიელის იმედი აქვს, ის გუნდისთვის უმნიშვნელოვანესი ფიგურაა."
- 12 მაი 2014
- 3163
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
