სამეფო კლუბში 12 წელია ელოდებიან „ლა დესიმას.“

აღნიშნული პერიოდი საკუთარ თავზე გამოსცადა კასილიასმა, რომელსაც მხოლოდ 3 წლით ჩამორჩება ვიცე-კაპიტანი რამოსი, თუმცა ესპანელების სიტუაცია განსხვავებულია.იკერმა კარიერის დასაწყისში ორჯერ იზეიმა ევროპის ყველაზე პრესტიჟული ტურნირის მოგება, ხოლო ანდალუსიელისათვის, ჯერ კიდევ უცხო ხილია ლიგის თასი.

როგორც იცით, სერხიო 2005 წლიდან გამოდის „ბლანკოსში“ (კასოს შემდეგ ყველაზე მხცოვანია).განვლილი 9 წლის განმავლობაში, „რეალი“ მუდმივად ასპარეზობდა ჩ/ლიგაზე, თუმცა ზოგჯერ ძალიან შორს იყო ტიტულისგან, ხოლო ზოგჯერ ახლოს.

05/06 წ.წ. სეზონი: „ოთხიანმა“ სადებიუტო გოლი შეაგდო ავტორიტეტულ გათამაშებაში, თუმცა მისმა ახალმა გუნდმა „არსენალის“ ბარიერი ვერ დაძლია.

06/07: სევილიელის პირველი ვიზიტი „ალიანც არენაზე“ ფატალურად დასრულდა.მადრიდელებმა გერმანელებთან წააგეს, თუმცა აღსანიშნავია, რომ შეხვედრის მიწურულს, მსაჯმა რამოსის გოლი არ ჩათვალა.

07/08: მტკივნეული მარცხი რომაელებისაგან, რომლებმაც ორივე დაპირისპირებაში ძლიეს ესპანელებს.

08/09: „ლივერპულის“ ფეერიული ასპარეზობა და ორი მატჩის ჯამში 5 უპასუხო გოლით დამარცხებული „რეალი.“

09/10: ფლორენტინოს ახალი პროექტი, კაკას, ბენზემასა და რონალდუს მოსვლა, თუმცა პელეგრინის ფიასკო, რომლის დარიგებულებმაც „ლიონის“ ვერ გამოთიშეს მერვედფინალიდან.

10/11: რამოსის პირველი ნახევარფინალი, თუმცა მარცხი „ბარსასგან.“

11/12: ფინალში გასვლის რეალური შანსი.„სანტიაგო ბერნაბეუზე“ თერთმეტ მეტრიანების სერია, თუმცა საშინლად დარტყმული პენალტი.

12/13: განმეორებით მატჩში „ბორუსიასთან,“ სერხიომ თავისი გოლით შემობრუნების იმედი მისცა ქომაგებს, მაგრამ დრო აღარ ეყოთ მასპინძლებს.

13/14: დუბლი „ალიანც არენაზე“ და პირველი ფინალის საგზური.������� dle 10.1������� ������� ������