ზიზუ : "გუნდმა ბრწყინვალე მატჩი ჩაატარა"
ზინედინ ზიდანის განცხადებით მადრიდის რეალმა ბრწყინვალე მატჩი გამართა, რის საფუძველზეც დამსახურებულად მოიპოვა ჩემპიონთა ლიგის ფინალის საგზური...
"მადრიდულმა კლუბმა ჩემპიონთა ლიგის მოსაგებად კიდევ ერთი სერიოზული ნაბიჯი გადადგა, თუმცა მთავარი მაინც დასკვნითი დაპირისპირება იქნება, რომელიც ლისაბონში გაიმართება."
"მერენგების რიგებში წლების მანძილზე გამოვდიოდი და ბაიერნის წინააღმდეგ არაერთხელ მიასპარეზია, ისინი ჩვენს წინააღმდეგ ყოველთვის შემართებით თამაშობდნენ, დღეს კი კარლო ანჩელოტიმ ისტორიული გამარჯვება მოიპოვა "ალიანც არენაზე", სამეფო კლუბს გერმანიაში მიუნხენელები არასდროს ჰყავდა დამარცხებული."
"გუნდმა ძალიან გააზრებული და დალაგებული ფეხბურთი ითამაშა, ძალიან კმაყოფილი და ბედნიერი ვარ მსგავსი სიტუაციით."
"ჩვენ უნდა ვიფიქროთ ევროპის ყველაზე პრესტიჟული ტურნირის ფინალზე, თუმცა არ უნდა დავივიწყოთ ლა ლიგა, სადაც უფრო მცირე შანსი გვაქვს, მაგრამ ბოლომდე ბრძოლას ვაპირებთ."
"იმედი მაქვს, სეზონის ბოლოს სამი ტიტული გვექნება მოპოვებული, ეს კლუბისთვის დიდი წარმატება იქნება."
დაგვიმეგობრდით Instagram-ზე, ჩვენი პროფილის სახელია: halamadridge
- 30 აპრილი 2014
- 8692
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
