ანტიჩი: "ანჩელოტი ისკოს მიმართ არ არის სამართლიანი"
მადრიდის "რეალის" ექს-მწვრთნელმა, რადომირ ანტიჩმა კარლო ანჩელოტი გააკრიტიკა იმის გამო, რომ ისკო სასტარტო თერთმეტეულში ხშირად ვერ ხვდება.
"ანჩელოტი ისკოსთან მიმართებაში არაა სწორი. იტალიელი მას იმიტომ არ ათამაშებს ხშირად, რომ დაცვითი ფუნქციები ნაკლებად აქვს. ვფიქრობ, ესპანელი არის დიდებული ფეხბურთელი, რომელიც თამაშს რაღაც განსაკუთრებულს სძენს. ანჩელოტი ყოველთვის ფეხბურთელის სუსტ წერტილებს ეძებს, მაგრამ ეს ისკოს არ დაეხმარება."
"ნამდვილად არ მესმის "რეალის" პოზიცია კასილასის საკითხზე. ჩემთვის "ბლანკოსის" მეკარის სიტუაცია ძალიან უცნაურია. რაღაც მოხდა შარშან კასილასსა და მოურინიოს შორის, მაგრამ ანჩელოტის მოსვლის შემდეგ, "რეალის" კაპიტნისთვის არაფერი არ შეცვლილა. არ ვიცი, რა და რატომ ხდება,"-განაცხადა რადომირ ანტიჩმა.
წყარო: Goal
- 15 აპრილი 2014
- 1736
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
