დორტმუნდელთა მარცხენა მცვლის, ერიკ დურმის განცხადებით მთელი ქალაქი ფეხბურთზეა გადართული და ფეხბურთელები ყველაფერს გააკეთებენ მადრიდის რეალის დასამარცხებლად...

"ეს ფანტასტიკის სფერო გახლავთ, ჩვენ ძალიან გაგვიჭირდება, რადგან პირველ შეხვედრაში სამეფო კლუბმა ყველა ასპექტში დაგვჯაბნა და მაქსიმუმი გააკეთა იმისათვის, რომ განმეორებითი პაექრობის წინ კომფორტულ სიტუაციაში ყოფილიყო."

"კლოპმა რამდენიმე ტაქტიკა დაამუშავა, ჩვენ შესაძლოა რამდენჯერმე შევცვალოთ თამაში სტილი მატჩის მიმდინარეობისას, ყველაფერი იმის მიხედვით წარიმართება, თუ როგორ მოვახერხებთ პაექრობის წარმართვას."

"ანჩელოტის დიდებული გუნდი ჰყავს, რომელსაც ბურთის კონტროლი უყვარს, თუმცა გერმანიაში ბურთს ესპანელები ვერ დაეპატრონებიან, სხვა შემთხვევაში წაგებისთვისთვის ვიქნებით განწირულნი. მთელი ინიციატივა ჩვენ უნდა ვიგდოთ ხელთ და დედაქალაქელებს პირველივე წუთებიდან შევუტიოთ."

"ლევანდოვსკი ბრუნდება, ის ჩვენი მთავარი დამრტყმელი ძალა გახლავთ, დარწმუნებული ვარ ყველაფერს გააკეთებს გოლის გასატანად, მან შარშან წარმოუდნგელი რამ გააკეთა და ჟოზე მოურინიოს გუნდს პოკერი შეუსრულა, ალბათ ამას თამაშის დაწყების წინ არავინ დაიჯერებდა, ანალოგიური სიტუაციაა ახლაც, როცა ჩვენ 0-3 დავმარცხდით და მინიმუმ 4-0 გვჭირდება."

"მოედანზე ნემსის ჩასაგდები ადგილი არ იქნება, ჩვენ მსოფლიოს საუკეთესო გულშემატკივართა არმია გვყავს, რომლებიც მხარს მაქსიმალურად დაგვიჭერენ და ბოლომდე ჩვენს გვერდზე იდგებიან."������� dle 10.1������� ������� ������