მიუნხენის ბაიერნის შემტევის, არიენ რობენის განცხადებით, იგი დარწმუნებულია საკუთარი გუნდის შესაძლებლობებში, აქედან გამომდინარე გვარდიოლას კოლექტივი მანჩესტერის ბარიერს გაცდება და ნახევარფინალში გავა...

"ჩვენ ვერ გავიმარჯვეთ, მაგრამ გასვლაზე 1-1 საკმაოდ ნორმალური შედეგია, აქედან გამომდინარე მინდა განვაცხადო, რომ ბაიერნი საშინაო არენაზე გაცილებით უკეთ ითამაშებს და აუცილებლად მიაღწევს წარმატებას."

"დორტმუნდის ბორუსიასა და მადრიდის რეალს შორის უკვე ყველაფერი გაირკვა, კლოპის გუნდი წელს ჩემპიონთა ლიგას 1/4 ფინალიდან გამოემშვიდობება, უბრალოდ წარმოუდგენელია ამდენი დანაკლისით სამეფო კლუბი 4-0 დაამარცხო."

"თამამად შემიძლია ვთქვა, რომ ანჩელოტის გუნდი ნახევარფინალის მეტოქეს ელოდება, დიდი იმედი მაქვს "თეთრებს" ჩვენ დავუპირისპირდებით, ძალიან მსურს "ბლანკოსთან" შეხვედრა და სანტიაგო ბერნაბეუზე შექმნილი ატმოსფეროს კიდევ ერთხელ შეგრძნება, მადრიდული ინჩადა მსოფლიოში ცნობილია, მათ ძალიან უყვარს დედაქალაქური კლუბი."

"ჩემპიონთა ლიგის მთავარ ფავორიტად რა თქმა უნდა ბაიერნს მივიჩნევ, ჩვენ შარშან თასი მოვიგეთ, თუმცა არც წელს ვიტყვით ამაზე უარს, გერმანული გიგანტის შემდეგ კი სამეფო კლუბსა და ბლაუგრანას დავასახელებდი."������� dle 10.1������� ������� ������