ბეილი : "მომდევნო თამაშებში ფრე სავალალო იქნება"
უელსელი შემტევის, გარეთ ბეილის განცხადებით მადრიდის რეალი სოსიედადთან სათამაშოდ მზად არის და გუნდის მიზანი მხოლოდ გამარჯვება გახლავთ...
"დორტმუნდის დამარცხებით განწყობა ავიმაღლეთ და სრულად გადავერთეთ ესპანეთის პრიმერა დივიზიონზე, სადაც სიტუაცია კიდევ უფრო მეტად დაიძაბა."
"ჩემპიონატის დასრულებამდე სულ ცოტა დრო რჩება, სოსიედადთან მატჩი 32-ე ტურში შედგება, ყველა დარჩენილი შეხვედრა უნდა მოვიგოთ, სხვა შემთხვევაში ჩემპიონობის შანსი მინიმუმამდე შემცირდება."
"ვიცით, რომ ბასკებთან ანოეტაზე თამაში რთულია, ისინი საკუთარ კედლებში ყოველთვის დიდი მოტივაციით თამაშობენ, ასევე აღსანიშნავია ბასკი გულშემატკივრების მხურვალე მხარდაჭერა, რომელსაც ისინი საკუთარი შეგირდების მიმართ გამოხატავენ, ამ ყველაფერს თანამედროვე ფეხბურთში უდიდესი მნიშვნელობა ენიჭება."
"რონალდუ აუცილებლად ითამაშებს, მის გარეშე როგორც სოსიედადთან, ასევე ნებისმიერ გუნდთან თამაში გაგვიჭირდება, პორტუგალიელი უდავო ლიდერია, რომელიც აუცილებლად გახდება მიმდინარე წლის საუკეთესო ბომბარდირი როგორც ლა ლიგაში, ასევე ჩემპიონთა ლიგაში."
"არ მსურს ვისაუბრო კალენდარზე, ვინც არ უნდა იყოს ჩვენი მეტოქე, მხოლოდ გამარჯვებაზე უნდა ვიფიქროთ, მომდევნო 7 ტურში სამეფო კლუბის მიზანი 21 ქულის მოპოვება და თასის მოპოვება გახლავთ."
- 3 აპრილი 2014
- 2274
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
