კოენტრაუთი ლივერპულელებიც ინტერესდებიან?
ბრიტანული გამოცემების მიხედვით ფაბიო კოენტრაუს კიდევ ერთი მსურველი გამოუჩნდა და ეს გუნდი ლივერპული გახლავთ, რომელიც აღმავლობის გზაზეა და შემადგენლობის კიდევ უფრო გაძლიერება სურს...
პორტუგალიელის ესპანეთის დედაქალაქიდან აბარგება თითქმის გადაწყვეტილია. მეტიც, კარლო ანჩელოტიმ უკვე მისი შემცვლელის ძიება დაიწყო.
ფაბიო მაღალი დონის მცველია, თუმცა ვერანირად ვერ ახერხებს მარსელო ვიეირას დაჩრდილვას, რომელიც კარიერს პიკში იმყოფება და ყველა თამაშში ამტკიცებს, რომ საკუთარ პოზიციაზე ერთ-ერთი საუკეთესო ფეხბურთელი გახლავთ.
Daily Mirror-ს და The Sun-ის ინფორმაციით ლივერპულელები მზად არიან კოენტრაუს სანაცვლოდ 12 მილიონი ევრო გადაიხადონ და ფეხბურთელთან 4 წლიანი ხელშეკრულება დადონ, რომლის ფინანსური დეტალები ცნობილი რა თქმა უნდა არ არის.
მერსისაიდელთა გარდა პორტუგალიელის კანდიდატურით მილანის მილანი და ტურინის იუვენტუსი არიან დაინტერესებულნი, ასევე ვრცელდებოდა ხმები იმის შესახებ, რომ ის ბუნდესლიგისკენ აიღებდა გეზს, თუმცა როგორც ჩანს გერმანია დღის წესრიგიდან მოიხსნა.
- 13 მარტი 2014
- 1517
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
