იმის თქმა, რომ მარსელო კვლავ იღიმის, ტყული იქნება, რამეთუ ბრაზილიელის სახიდან არასოდეს ქრება მხიარული გამომეტყველება, რაშიც ძალიან ჰგავს რობერტო კარლოსს, რომელსაც ძალიან უყვარს მისი „შთამომავალი.“

გუნდში სიტუაციის დალაგების შემდეგ, სამხრეთ ამერიკელი შთაბმეჭდავად გამოიყურება.მარსელო საიმედოდ დგას დაცვაში და როგორც ყოველთვის, მეტად შედეგიანია შეტევაში.მისი შესანიშნავი კონდიციების შესახებ ადრეც დავწერეთ, თუმცა „ლევანტეს“ წინააღმდეგ, მან კიდევ ერთხელ დაადასტურა, რომ სეზონის მნიშვნელოვან ნაწილში, მზადაა დიდი დახმარება გაუწიოს თანაგუნდელებს.

„ღამურებთან“ პაექრობაში, ბრაზილიელმა 57 შეტევაში მიიღო მონაწილეობა, 9-ჯერ ჩააწოდა ბურთი მეტოქის საჯარიმოში (რომ არა თავდამსხმელების უიღბლობა, ის ასისტენტიც გახდებოდა), 58 სწორი გადაცემა გააკეთა, ერთ გოლი მის ანგარიშზეა, ხოლო კიდევ ერთის გასვლაში დიდი წვლილი შეიტანა.მოკლედ, მხიარულმა ბიჭუნამ ისეთი სტატისტიკა დადო, ნებისმიერ ვინგერსაც რომ შეშურდებოდა.

ყველაზე მეტად, განაპირა მცველის აღმასვლა კარლიტოს ახარებს, რამეთუ მთავარმა მწვრთნელმა ზუსტად იცის მისი როლი გუნდის წარმატებაში.

MARCA������� dle 10.1������� ������� ������