რეკორდსმენ კიპერს კვლავ უთამაშებლობა ემუქრება.

2014 წელი, კასილიასისთვის ნაყოფიერად დაიწყო, რამეთუ სათასო მატჩების კალენდრიდან გამომდინარე, ლოპესის მსგავსად, კვირაში 1 მატჩის ჩატარება უწევდა.ახლა, როდესაც „კოპა დელ რეის“ ფინალამდე მივედით, „ელ კაპიტანოს“ სათამაშო წუთების რაოდენობა, არა მხოლოდ მწვრთნელზე, არამედ თანაგუნდელებზეცაა დამოკიდებული.

არსებული მდგომარეობით, სეზონის დასრულებამდე 3 თვით ადრე, იკერს მინიმუმ 3 ორთაბრძოლაში მოუწევს მონაწილეობის მიღება, ხოლო მაქსიმუმ 8.უფრო კონკრეტულად, კასო 1 შეხვედრას სამეფო თასზე ჩაატარებს, ხოლო 2-ს ჩემპიონთა ლიგის 1/8 ფინალში.რაც შეეხება დანარჩენ მატჩებს, ეს დამოკიდებულია იმაზე, თუ რამდენად შორს წავლენ მადრიდელები ევროპის ყველაზე პრესტიჟულ საკლუბო ტურნირზე.

ამასთანავე, შთამბეჭდავია იკერის თამაშებს შორის ინტერვალები.„შალკესთან“ პირველი პაექრობა 26 თებერვალს გაიმართება, ხოლო განმეორებითი 18 მარტს.„კოპას“ ფინალი კი, 19 აპრილს აიღებს სტარტს.

როგორც ხედავთ, თუ რაიმე არ შეიცვალა, ყველა პირობაა შექმნილი იმისთვის, რომ კასილიასმა სათამაში კონდიციები გაანიავოს და მის 892 წუთიან სერიასაც დაღი დაესვას.

MARCA������� dle 10.1������� ������� ������