ზიზუ : "ხესეს ძალიან ბევრი სამუშაო აქვს"
კარლო ანჩელოტის თანაშემწის, ლეგენდარული ფეხბურთელის, ზინედინ ზიდანის განცხადებით ხესე როდრიგესს უდიდესი მომავალი აქვს, თუმცა მან მუშაობა უნდა გააგრძელოს და ორმაგ ტემპში ივარჯიშოს...
"ვგონებ, ხესეს ყველა მონაცემი აქვს იმისათვის, რომ ევროპის ერთ-ერთი საუკეთესო წინახაზელი გახდეს, თუმცა ამისთვის ძალიან ბევრი უნდა იმუშავოს, რადგან დღევანდელ ფეხბურთში ბევრი რამეა შეცვლილია, დღესდღეობით ფიზიკურ კონდიციებს ყველაზე დიდი ყურადღება ექცევა, მან აუცილებლად უნდა იშრომოს ფიზიკური ძალის ამაღლებისთვის."
"მადრიდს წარმატებული მომავალი აქვს, ჩვენ გვყავს ისკო ალარკონი, ასიერ ილიარამენდი, რაფაელ ვარანი, ნაჩო ფერნანდესი, კაზემირო, ხესე როდრიგესი და ალვარო მორატა, პირველ რიგში სწორედ ისინი წარმოადგენენ ჩვენი წარმატების საწინდარს."
"ვარჯიშებზე ყველაფერს ვაკეთებდით და გავაკეთებთ იმისათვის, რომ მადრიდელ ახალგაზრდებს ბადალი არ ჰყავდეთ, მათ დიდი მომავალი აქვთ, ხესე კი გუნდის ერთ-ერთ ლიდერად სულ მალე ჩამოყალიბდება."
- 10 იანვარი 2014
- 1754
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
