ადანი : "თანაგუნდელები ყოველთვის მხარში მედგნენ"
ანტონიო ადანი, რომელიც წლების მანძილზე ითვლება მადრიდის რეალის სათადარიგო მეკარედ, ჟურნალისტებს შეხვდა და რამდენიმე შეკითხვას უპასუხა...
რატომ კალიარი ?
იმიტომ, რომ ყველაზე ოპტიმალური ვარიანტი სწორედ ეს გუნდი იყო, მე მქონდა შვიდი ან რვა შემოთავაზება ესპანეთიდან, რუსეთიდან და პორტუგალიიდან, მაგრამ საბოლოო ჯამში მაინც კალიარი ავირჩიე, რადგან საკუთარი მომავალი აქ დავინახე და ბედნიერი ვარ რომ სწორი გადაწყვეტილება მივიღე. მე მივიღე შანსი იმისა, რომ ხშირად მეთამაშა, რაც მეტად მნიშვნელოვანი იყო. სამეფო კლუბთან კონტრაქტის გაწყვეტის შემდეგ ერთი თვე კლუბის გარეშე ვიყავი, ეს პერიოდი ძალიან მძიმედ მახსენდება.
ამ ხნის მანძილზე ყოფილ თანაგუნდელებთან გქონდათ შეხება?
დიახ, რა თქმა უნდა. ისინი ჩემი მეგობრები არიან, ისინი არაერთხელ დაინტერესდნენ ჩემი მდგომარეობით და როდესაც გაიგეს, რომ იტალიაში წავედი სათამაშოდ ძალიან გაუხარდათ და მომილოცეს.
მიტოვებულად გიგრძვნიათ თავი მადრიდის რეალში?
დარწმუნებით შემიძლია გითხრათ, რომ არასოდეს მსგავსი რამ არ მიგრძვნია, ყოველთვის ვიცოდი თუ რა მევალებოდა და მივყვებოდი გუნდის ტემპს, კონტრაქტის ამოწურავამდე ერთი წელი მქონდა დარჩენილი, მაგრამ თანამშრომლობის გაწყვეტა და ახალი კლუბის ძებნა ვამჯობინე, იმისათვის რომ მიმეღო მეტი პრაქტიკა, ხელმძღვანელობამ უარი არ მითხრა და შევთანხმდით, რომ ესპანეთი უნდა დამეტოვებინა. კალიარიში გადასვლის შემდეგ ბუტრაგენიო დამიკავშირდა და მომილოცა, წარმატებები მისურვა, ასევე დასძინა, რომ იმედი ჰქონდა იმისა, რომ მე ოდესმე "ბლანკოსში" დავბრუნდებოდი და თანაც საკმაოდ სოლიდურად.
- 17 დეკემბერი 2013
- 1422
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
