იტალიურ პრესაში აქტიურად იწერება ინფორმაციები იმის შესახებ, რომ იტალიური გრანდი, "მილანი" მადრიდის "რეალის" ორი ფეხბურთელით, იკერ კასილასით და ფაბიო კოენტრაუთია დაინტერესებული და მათ გადაბირებას აპირებს...

მას შემდეგ, რაც ბრაზილიელი რიკარდო კაკა "მშუბლიურ" "მილანს" დაუბრუნდა, ამ თემაზე საუბარი უფრო გაცხარდა. რიკარდოს ორივე ფეხბურთელთან კარგი ურთიერთობა აქვს, რამაც შესაძლებელია ეს ტრანსფერი გამოიწვიოს.

როგორც ჩანს, მილანელები არსებული ვითარებით სარგებლობას აპირებენ. მადრიდის "რეალის" ლეგენდარული კაპიტანი, იკერ კასილასი კარგა ხანია, რაც სათადარიგოთა სკამიდან უყურებს მატჩებს და მხოლოდ "ჩემპიონთა ლიგისა" და "კოპა დელ რეის" მატჩებში იღებს მონაწილეობს. ეს ყველაფერი მოურინიოს ეპოქიდან იწყება. ადანის კარში ჩაყენების შემდეგ, ფანები გაცხარდნენ, რის გამოც იკერი კვლავ დაუბრუნდა ძირითადს, თუმცა "მალაგასთან" მატჩში მიღებული ტრავმის გამო კარგა ხანი გაუცდა. ამ დროს "რეალმა" დიეგო ლოპესი იყიდა, რომელიც გუნდს შესანიშნავად მოერგო და ეხლა ისაა ძირითადი მეკარე. არც ანჩელოტის შეუცვლია დიდი რამ ამ საკითხში. კასილასს უნდა მსოფლიოს 2014 წლის ჩემპიონატზე ასპარეზობა, სათადარიგო სკამიდან კი იგი ამ ტურნირზე ვერ მოხვდება. თუმცა გავრცელდა ინფორმაცია, რომ იკერი პრიმერაშიც ითამაშებდა, ეს ყველაფერი მხოლოდ და მხოლოდ ჭორის დონეზე.

რაც შეეხება კოენტრაუს, მისთვის ეს სეზონი ცუდად დაიწყო. ტრავმებისგან გაწამებულ კოეს, პირადი უბედურებაც დაემართა - მას მამა გარდაეცვალა. ახლა იგი მხოლოდ ამ თემაზეა კონცენტრირებული და ფეხბურთი მისთვის მეორეხარისხოვანია. ანჩელოტი მას დიდ დროს არ აძლევს, რადგან მარსელო ფლანგზე შესანიშნავად გამოიყურება. შეიძლება იმის თქმა, რომ იკერი "რეალის" თილისმაა და გუნდიდან არ წავა, თუმცა პორტუგალიელზე ამას ვერ ვიტყვით. სავარაუდოდ, იგი იანვარში გუნდს დატოვებს.