ლარსონი : "ევროპას ზლატანის დონის ფორვარდი დიდი ხანია არ ჰყოლია"
ლეგენდარული შვედი ფორვარდის, ჰენრიკ ლარსონის განცხადებით, ევროპას ზლატან იბრაჰიმოვიჩის დონის მოთამაშე უკვე დიდი ხანია არ ჰყოლია და სწორედ შვედმა უნდა მოახერხოს ოქროს ბურთის მიღება...
"იბრა უდიდესი ფეხბურთელია, მე მას ძალიან დიდ პატივს ვცემ, ასაკის მიუხედავად იგი ტემპს არ უკლებს და კიდევ უფრო მეტის გაკეთებას ცდილობს."
"როგორც პარისენჟერმენში, ასევე შვედეთის ნაკრებში იბრაჰიმოვიჩი შეუცვლელია, იგი დიდებული ფეხბურთელი გახლავთ, რომელმაც აუცილებლად უნდა მიიღოს ოქროს ბურთი, ეს მისთვის დამატებითი სტიმულიც იქნება."
"ლიონელ მესი და კრიშტიანო რონალდო უდიდეს ძალას წარმოადგენენ, შვედს სწორედ მათი სახით ეყოლება კონკურენტები, მაგრამ ვთვლი, რომ იბრას მიმდინარე სეზონში ბადალი არ ჰყავს."
"მოხარული ვიქნები თუ ჩემი სიტყვები ასრულდება და ევროპა სწორედ იბრას აღიარებს საუკეთესო მოთამაშედ."
- 4 დეკემბერი 2013
- 1729
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
