რამოსი: "არ არის სასიამოვნო, მაგრამ პოზიტიურები ვიქნებით"
"მადრიდის რეალის" მცველმა ისაუბრა ეროვნულ ნაკრებზე, რონალდუზე და ლიონელ მესის ტრავმაზე.
"პირადად ჩემთვის, ყველაზე მეტად, რა თქმა უნდა ის იმსახურებს. მე ყოველთვის ვამბობდი, რომ ეს ტიტული უნდა გამომდინარეობდეს, როგორც ინდივიდუალური, ასევე გუნდური მიღწევებიდან , მაგრამ ამავდროულად მიმაჩნია, რომ წელს ყველაზე მეტად სწორედ ის იმსახურებს ამ ჯილდოს"-განაცხადა რამოსმა კრიშტიანო რონალდუზე საუბრისას.
როცა ლიონელ მესის ტრავმასთან დაკავშირებით კითხეს, რამოსმა განაცხადა, რომ "მადრიდის რეალს" არ აინტერესებს, თუ რა ხდება "ბარსელონას" ბანაკში: "ჩვენ არ ვიხედებით მეტოქის ბანაკისკენ, მაგრამ არცერთ ჩვენგანს არ სურს ცუდი მეტოქის ფეხბურთელისთვის. ის "ბარსელონასთვის" უმნიშვნელოვანესი ფეხბურთელია, მაგრამ ფეხბურთში ასეთი რამეები ხდება. ჩვენ მანქანა არ ვართ და მზად უნდა ვიყოთ ამისთვის"-აღნიშნა რამოსმა.
რამოსმა ისაუბრა ამხანაგურ შეხვედრებზე გვინეასა და სამხრეთ აფრიკაში: "ამისგან პოზიტიურის დაჭერას უნდა ვეცადოთ. რა თქმა უნდა, არავის არ სიამოვნებს ამდენი ხნის მგზავრობა, მაგრამ როცა შენს თანაგუნდელებთან ერთად ხარ და მსოფლიოს ჩემპიონატისთვის ემზადება, ამ ყველაფრისგან შეგიძლია პოზიტივიც ნახო. არ აქვს მნიშვნელობა ვინ იქნება მეტოქე, გვინეა, სამხრეთ აფრიკა თუ ვინმე სხვა, მთავარია , რომ ეროვნულ ნაკრებში თამაში ნებისმიერი ფეხბურთელისთვის პატივია."
- 13 ნოემბერი 2013
- 3157
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
