ბეილი და მისი აგენტი გაცოფებულები არიან

ჯონათან ბარნეტი, გარეთ ბეილის აგენტი Marca-ს მიერ დღეს გამოქვეყნებულ სტატიის გამო თავის აღშფოთებას ვერ მალავს:

"სრული იდიოტიზმია, ველაპარაკე Marca-ს წარმომადგენლებს და ვუთხარი, თუ საიდან მოიტანეს ასეთი სისულელ და რომელმა სულელმა დაეჭდა ის გაზეთში. ყველაფერი, რაც Marca-მ დაბეჭდა აბსოლიტური ტყუილია და მეტი არაფერი. ჯერ კიდევ არ მესმის, რომელმა სულელმა დაბეჭდა ეს სტატია."

ბარნეტმა ასევე ისაუბრა გარეთ ბეილის ფიზიკურ მონაცემებზე:

"ის ყველაზე ძვირადღირებული ფეხბურთელია, მოვიდა ასეთ კლუბში, გაიარა სამედიცინო შემოწმება და რა გგონიათ, რომ "მადრიდის რეალი" მასში ამდენ ფულს გადაიხდია, ის რომ ავად ყოფილიყო? ის 100%-ით მზადაა. მას რომ რამე პრობლემა ქონოდა, კლუბი მის ტრანსფერს თავისუფლად შეაჩერებდა."

"მას არანაირი პრობლემა არ აქვს, მცირედი ტკივილები აქვს ბარძაყის არეზე, მაგრამ ის მალე მზად იქნება სათამაშოდ, იმედი გვაქვს, რომ ეს ეროვნულების შეხვედრის შემდეგ იქნება. ის ჩვეულებრივ ვარჯიშებს დაუბრუნდა და იმედი გვაქვს, მალე ითამაშებს კიდევაც. თუ როდის ითამაშებს, ეს ანჩელოტიზეა დამოკიდებული, მაგრამ დარწმუნებული ვარ, რომ ის ნებისმიერ დროს მზად იქნება სათამაშოდ."

აგენტმა ასევე აღნიშნა, რომ ბეილი საშინლად გაბრაზებულია გაზეთზე:

"ის გაბრაზებულია და არა მოწყენილი, ის გაბრაზებულია გაზეთზე, რომელმაც ამდაგვარი ბრიყვობა დაწერა."

"არავისთან არ აპირებს ამაზე საუბარს, არავისთან არ ვაპირებთ ამ თემაზე მსჯელობას, იმიტომ რომ ეს აბსოლიტური იდიოტობაა."

"ის დარწმუნებულია, რომ როცა თამაშს დაიწყებს, მომდევნო კვირას, ან იმის შემდეგ, როცა გამოიძახებენ, თქვენ ნამდვილ ბეილს იხილავთ. გარეთ ბეილს , ყოველგვარი ტრავმებისა და ამგვარი აბსურდების გარეშე."������� dle 10.1������� ������� ������