ბლატერი: "ვწუხვარ, რომ ოზილმა "რეალი" დატოვა"
FIFA-ს პრეზიდენტმა, ზეპ ბლატერმა, სინანული გამოთქვა იმის გამო, რომ მესუთ ოზლი მადრიდის "რეალის" ნახევარმცველი აღარ არის, იტყობინება გერმანული პრესა.
გერმანიის ეროვნული ნაკრების ფეხბურთელმა ამ ზაფხულს "სამეფო კლუბი" დატოვა და ახლა ის ლონდონის "არსენალის" ღირსებას იცავს.
"მე, როგორც მადრიდის "რეალის" გულშემატკივარი ძალიან დამწუხრებული ვარ იმით, რომ ოზილმა ეს კლუბი დატოვა. მჯეროდა, რომ ესპანეთში ის თავის ნიჭს უფრო დიდი დოზით გამოავლენდა. მის სანაცვლოდ 50 მილიონი გადაიხადეს. ის ერთ-ერთი ფეხბურთელია, რომლის შესაძენად ამხელა თანხის გადახდა ღირს", - განაცხადა ბლატერმა.
მანამდე, "რეალის" მთავარმა მწვრთნელმა, კარლო ანჩელოტიმ განაცხადა, რომ იგი არ ნანობს ოზილის "მეთოფეების" ბანაკში წასვლაზე.
- 8 ოქტომბერი 2013
- 2769
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
