რაული, ვან ნისტელროი, იგუაინი და ბენზემა ითვლებიან "რეალის" ფორვარდებად. პირველ ორ ფორვარდზე ყველამ ყველაფერი იცის, ხოლო გონსალო და ქარიმი ახლა იწყებენ კარიერულ აღმასვლას. მათ ყველაფერი წინ აქვთ.

საკმარისი იყო გვეხილა მათი რამდენიმე თამაში და შეგვექმნა დადებითი წარმოდგენა ამ ორ ჯეელ ყმაწვილზე.

ბენზემაც და იგუაინიც თითოეული 35 მლნ. ევრო ღირს. მათზე ცოტათი ძვირია "ატლეტიკოს" ასევე ახალგაზრდა ფორვარდი სერხიო აგუერო. ის 45 მლნ. ევროდ ფასდება. ასევე შეფასებულია სხვა ახალგაზრდა ტალანტებიც. ბალოტელი (19 წლის, "ინტერი") 25 მლნ. ევრო, პატო (20 წლის, "მილანი") 25 მლნ. ევრო, ბოიანი (19 წლის, "ბარსელონა") 17 მლნ. ევრო, კეირისონი (20 წლის, "ბენფიკაში" არენდით, ეკუთვნის "ბარსელონას") 15 მლნ. ევრო.

იგუაინი შესამჩნევად პროგრესირებს

ბენზემა "რეალს" შეუერთდა 35 მლნ. ევროდ, მაგრამ ისიც აღნიშვნის ღირსია, რომ იგუაინი შესამჩნევად გაიზარდა მას შემდეგ, რაც ესპანეთის დედაქალაქში ჩამოვიდა. მან აშკარა პროგრესი განიცადა. "პიპიტამ" ამ სამი წლის განმავლობაში ძალიან ბევრი რამ ისწავლა და სამჯერ მეტი ღირს, ვიდრე ადრე.