მადრიდის "რეალის" ანდალუსიელი ფეხბურთელი, სერხიო რამოსი, დიდი ფერნანდო იეროს რეკორდს მიუახლოვდა.

საქმე ეხება, წითელი ბარათების მიღების რეკორდს, სადაც მადრიდული გუნდის ისტორიაში ჯერჯერობით ბადალი არა ჰყავს ფერნანდოს, თუმცა მალე სერხიო აუცილებლად დაამხობს ამ მიღწევას.

ლეგენდარული იერო, 439 შეხვედრიდან 10-ჯერ გააძევეს მოედნიდან, ხოლო რამოსის თვალწინ კი მსაჯმა ასევე 10-ჯერ ამოიღო წითელი ბარათი.რასაკვირველია ესპანელის მცველისათვის ეს შედეგი ცუდია, რამეთუ ის ჯერ მხოლოდ 23 წლისაა და ასე თუ გააგრძელა მსოფლიო ფეხბურთი ისტორიაში ყველაზე "უხეში" გარემარბი გახდება.

აქვე მოგახსენებთ, ანდალუსიელის დამოკიდებულებას ყვითელ ბარათებთან.საინტერესოა, რომ ყოველი 211 წუთის შემდეგ აფრთხილებს სერხიოს (ჯამში 57 ყვითელი დაუგროვდა).

მაშასადამე, რამოსის წითელი ბარათების სტატისტიკა "რეალში" ასე გამოიყურება:
2005-2006 წ.წ. - 4 წითელი ბარათი
2006-2007 წ.წ. - 1 წითელი ბარათი
2007-2008 წ.წ. - 3 წითელი ბარათი
2008-2009 წ.წ. - 1 წითელი ბარათი
2009 - 2010 წ.წ. - 1 წითელი ბარათი (ჯერჯერობით)
ჯამი: 139 თამაშიდან 10 გაძევება