იკერ კასილასმა ''კოპენჰაგენის'' წინააღმდეგ სრულად ითამაშა. მან რამდენჯერმე გადაარჩინა გუნდი თავისი გასაოცარი რეაქციით. კაპიტანი ერთ-ერთი საუკეთესო იყო მოედანზე.
''დიდხანს მომიწია უქმობა. სანტიაგო ბერნაბეუზე დაბრუნება გასაოცარია. ბოლო პერიოდში ჩემს გარშემო ბევრი რამ შეიცვალა. ვამაყობ, რომ ამ გუნდის ნაწილი ვარ. დღეს უმნიშვნელოვანესი გამარჯვება ვიზეიმეთ. ჩვენ კარგი გუნდი გვყავს და მომავალზე უნდა ვიფიქროთ.
როცა ამდენი ხანი უთამაშებელი ხარ ბევრი რამ გიტრიალებს თავში, თუმცა ჩემი ოცნებაა ''რეალში'' ყოფნა, სანამ სხეული მომცემს ამის საშუალებას. ახლა ყველაზე მთავარია ვარჯიშის გაგრძელება, რათა დასახულ მიზანს მივაღწიოთ. შენს მიმართ კრიტიკულად განწყობილ ადამიანებს პატივი უნდა სცე და ყველაფერი გააკეთო მათი აზრის შესაცვლელად. ისინი გუნდის ნაწილი არიან, ამიტომაც ერთად გვიწევს ტიტულებისთვის ბრძოლა. ''


ანხელ დი მარია : '' მე უფრო თავდაჯერებული ვარ ვიდრე უწინ. ბრწყინვალე მატჩი ჩავატარეთ, უმნიშვნელოვანესია პროგრესის შენარჩუნება. ძალიან ბევრს ვივარჯიშებ, რათა სასტარტო თერთმეტეულში არ დავკარგო ადგილი''