შეხვედრის ანალიზი + FOTOGALLERY & GOLES

დაწყებული გულშემატკივრიდან, დამთავრებული ფეხბურთელებით, ''გალათასარაის'' ყველა კეთილისმსურველი ''რეალს'' ჯოჯოხეთურ დახვედრას პირდებოდა. თურქმა ფანებმა გაავსეს სტადიონი და ერთიანი შეძახილებით ამხნევებდნენ საყვარელ გუნდს. პირველივე წუთებიდან დიდი უპირატესობა მოიპოვა ''გალამ'' . ყველაფერი კოშმარულ ღამეს მოასწავებდა მადრიდელთათვის, თუმცა . . .

ორნაირი გზა არსებობს ჩემპიონთა ლიგაზე წარმატების მისაღწევად : დაიწყო ჩემპიონატი როგორც ჩვეულებრივმა, უამბიციო გუნდმა, ან გამოაცხადო საკუთარი თავი მთავარ ფავორიტად. ''რეალმა'' აქცენტი მეორეზე გააკეთა. სამეფო კლუბმა ისე ითამაშა სტამბულში, როგორც არასდროს აქამდე. ისკოს უმნიშვნელოვანესმა გოლმა, რონალდოს ჰეთრიკმა და ბენზემას დუბლმა დაასამარა თურქების ოცნება. ეს ნამდვილად არ იყო იოლი გასეირნება, რადგან Ali Sami Yen - ის სტადიონზე ურთულესია ნებისმიერი გუნდისათვის წარმატების მიღწევა, განურჩევლად სტატუსისა. ანჩელოტიმ აირჩია ტაქტიკა, რაც ყველაზე უკეთ გამოსდიოდა ყოველთვის. ისკოს გოლის შემდეგ ''რეალი'' იმდენად შეიცვალა, რომ ''გალათასარაის'' ფეხბურთელებმა დაბნეულობისგან აღარ იცოდნენ რა ექნათ. ვერავინ წარმოიდგენდა ასეთ დასაწყისს.

მატჩი მართლაც თურქების უპირატესობით დაიწყო. რამდენიმე სახიფათო მომენტი შეიქმნა იკერის კართან. კასილასმა ერთი არაჩვეულებრივი სეივიც შემოგვთავაზა. მე-14 წუთზე კი სამწუხარო ამბავი მოხდა, გუნდის კაპიტანს სერხიო რამოსი ისე შეასკდა, რომ ნეკნის ტრამვა მიაყენა და კასილასი შესაცვლელი გახდა. მოედანზე შემოსული დიეგო ლოპესი დამახასიათებელი სიმშვიდით ჩადგა კარებში და თითქმის უშეცდომოთ ჩაატარა მატჩი.
33-ე წუთზე დიმარიას საოცარი პასით ისკომ ანგარიში გახსნა. სწორედ ''რეალის'' 23-ე ნომრის გატანილი ბურთი გახდა გადამწყვეტი დღევანდელ შეხვედრაში. თურქული მანქანა მოიშალა და სამეფო კლუბმა სრული კონტროლი დააწესა ბურთზე. მაშინ, როდესაც ანჩელოტის გუნდი იგებს ანგარიშით 1-0 , ურთულესია მისთვის თამაშის შემოტრიალება, თუ არ გავიხსენებთ , რათქმაუნდა, ''ლივერპულთან'' მატჩს.

მეორე ტაიმი გასაოცარი გამოდგა, რადგან გუნდებმა ხუთი გოლის გატანა მოახერხეს. დი მარიამ მორიგი ასისტი გააკეთა, ბენზემა მეკარესთან პირისპირ გაიყვანა და ფრანგმაც არ ააცილა. მესამე გოლიც დი მარიას გარღვევას მოჰყვა, მისი ჩამოწოდებული ისკომ დააბრუნა საჯარიმოში და პირდაპირ რონალდოს დაასვა ფეხზე. 66-ე წუთზე კვლავ რონალდომ გაიტანა, 83-ე წუთზე ბენზემამ ცარიელ კარებში შეაგორა, ხოლო 90-ე წუთზე კრიშტიანომ ნამდვილი შედევრი შემოგვთავაზა. ''გალათასარაის'' მცველები აბზრიალა და მარცხენა ფეხით შეაგდო ულამაზესი გოლი. კრისმა ბურთი სახლში წაიღო.