კაზემირო: „ბეილი აღმაფრთოვანებელი ფეხბურთელია“
კაზემიროს განცხადებით, იგი აღფრთოვანებულია ახალწვეული გარეთ ბეილის მონდომებით და ტალანტით...
„ყველამ კარგად ვიცოდით, რომ სამეფო კლუბმა კოლოსალური თანხა ძალიან ძლიერ მოთამაშეში გადაიხადა, მაგრამ მინდა გითხრათ, მსგავსი არასდროს მინახავს. უელსელი გაცილებით უფრო მეტს ინდომებს და მეტს ვარჯიშობს ვიდრე მწვრთნელი ავალებს. დარწმუნებული ვარ გარეთი ბევრს მიაღწევს როგორც სამეფო კლუბში, ასევე ეროვნულ ნაკრებშიც, რადგან მისი დონის მოთამაშე ნებისმიერი კოლექტივისთვის სახარბიელოა.“
„ბეილს აქვს ყუმბარისებული დარტყმა, რომლითაც არაერთხელ დაგვამახსოვრა თავი ტოტენჰემ ჰოტსპურში თამაშის დროს. ვარჯიშებზე მას სპეციალური პროგრამა აქვს და ჯერ-ჯერობით თავს იკავებს კარში დარტყმების განხორციელებისგან, მაგრამ ყველამ კარგად იცის, რომ მისი მარცხენა მსოფლიოში ერთ-ერთი საუკეთესო გახლავთ.“
„წინ ჩემპიონთა ლიგა გველის, მაგრამ მანამდე ვილიარეალის წინააღმდეგ უნდა გავილაშქროთ და მომდევნო 3 ქულა ჩავიწეროთ აქტივში, ამისთვის დიდი მონდომება და მოედანზე თავდადება იქნება საჭირო.“
„გალათასარაი ძლიერი გუნდია, თუმცა ანჩელოტის დაჟინებული მოთხოვნით ჩვენ სტამბულში ვიზიტზე არ ვფიქრობთ, რადგან ვილიარეალი გვყავს დასამარცხებელი, მათ დიდი მოტივაცია აქვს, რადგან ამ ეტაპზე სატურნირო ცხრილის სათავეში არიან მოქცეულნი.“
- 13 სექტემბერი 2013
- 2709
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
