ფაბრეგასი: "მიხარია, რომ "არსენალმა" ოზილი შეიძინა"
კატალონიის "ბარსელონას" ნახევარმცველმა, სესკ ფაბრეგასმა, საკუთარი აზრი დააფიქსირა მესუთ ოზილის ტრანსფერზე, მადრიდის "რეალიდან" ლონდონის "არსენალში".
შეგახსენებთ, რომ შემტევი ნახევარმცველი სატრანსფერო ფანჯრის დახურვამდე ერთი საათით ადრე ოფიციალურად გადავიდა "რეალიდან" "არსენალში", 50 მილიონ ევროდ. "მეთოფეების" ყოფილმა კაპიტანმა, რომელიც ამჟამად "ბარსელონაში" თამაშობს, განაცხადა, რომ ეს ტრანსფერი დიდ სარგებელს მოუტანს ლონდონელებს.
"მადრიდის "რეალში" ოზილი მეორე საუკეთესო ფეხბურთელი იყო რონალდუს შემდეგ", - დაიწყო საუბარი სესკ ფაბრეგასმა.
"ამ ფორმით შემიძლია ჩემი თავის მასთან შედარება, რადგან ჩვენ მსაგვსი სათამაშო სტილი გვაქვს. გულრწფელად ვამბობ, მე მიკვირს, რომ "რეალმა" ასეთი ფეხბურთელი გაუშვა, მაგრამ არ შემიძლია მისი "არსენალში" გადასვლით ბედნიერი არ ვიყო. ის დიდ სარგებელს მოუტანს "მეთოფეებს"".
- 4 სექტემბერი 2013
- 2555
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
