მადრიდის "რეალის" გოლკიპერი იკერ კასილასი ლეონელ მესის ყველაზე სახიფათო ფეხბურთელად თვლის არგენტინის ნაკრებში.

კასილასი თვლის, რომ მესი განახორციელებს ზეწოლას მის კარის მიმართულებით, მიუხედავად იმისა, რომ ლეონელი ვერ ახერხებს ნაკრებში კარგად თამაშს.

"მართალია ლეონელი ნაკრებში სულ სხვანაირად თამაშობს, მაგრამ მესი არის მესი. ესპანეთთან ის მოინდომებს თავისი კლასის დემონსტრირებას" – აცხადებს იკერი.

არგენტინასთან ამხანაგური მატჩი კასილასისთვის იქნება მეასე მატჩი ნაკრების რიგებში და მიუახლოვდება ანდონი სუბისარეტას 126 მატჩიან რეკორდს. მადრიდელმა მეკარემ განაცხადა, რომ იშვიათად გავა მოედანზე, ოღონდ ესპანელებმა მსოფლიო ჩემპიონატი მოიგონ.

"მალე მეასე მატჩს ჩავატარებ. რთულია ითამაშო ნაკრებში ათი წლის განმავლობაში. არასოდეს მიფიქრია, რომ ნაკრებში ჩავატარებდი 100 შეხვედრას და მწვრთნელები ნდობას გამომიცხადებდნენ, მაგრამ თანახმა ვარ ვითამაშო ცოტა, ოღონდ მსოფლიო ჩემპიონატი მოვიგოთ" – განაცხადა "კასომ".


ინფორმაციის წყარო: Goal.com������� dle 10.1������� ������� ������