მადრიდის რეალთან დაახლოებულ გამომცემლობა AS-ს თუ დავუჯერებთ მადრიდის რეალსა და ტოტენჰემს შორის მოლაპარაკებები დასრულდა და მომავალი სეზონიდან გარეთ ბეილი ბლანკოსის ფორმას მოირგებს.

რამდენიმე რაუნდიანი მოლაპარაკების შემდეგ, კლუბებმა ვერბალური შეთანხმება გააფორმეს, რომლის მიხედვითაც რეალი ტოტენჰემს 120 მილიონს გადაუხდის უელსელის სანაცვლოდ.

ფეხბურთელის სატრანსფერო ფასში შეიძლება ჩაერთონ ანხელ დი მარია და ფაბიო კოენტრაო. ვილაშ-ბოაში აგრეთვე ითხოვდა მორატასაც, თუმცა ახალგაზრდა ესპანელზე სამეფო კლუბისგან მტკიცე უარი მიიღეს.

მოლაპარაკებებს ტოტენჰემის მხრიდან თავად დანიელ ლევი ხელმძღვანელობდა, ხოლო სამეფო კლუბიდან ხოსე ანხელ სანჩესი, რომელიც ყოველ ნაბიჯს თავის მხრივ ფლორენტინო პერესს ამცნობდა.

ახლა ყველაფერი დასრულებულია და მხოლოდდამხოლოდ ოფიციალური შეთავაზების გაკეთებაღა დარჩა, რომელსაც ლევი აუცილებლად მიიღებს.

ინფორმაციის წყარო: AS.COM������� dle 10.1������� ������� ������