ბენზემა არის მეთხუთმეტე ფრანგი ლეგიონერი, რომელიც მადრიდის რეალში გააგრძელებს მის კარიერას.

კარიმის გადმოსვლამდე მადრიდის რეალის ფორმა უკვე მოირგეს შემდეგმა ფეხბურთელებმა:

პარაგესი (1902-1909) - იგი იყო პირველი ფრანგი ფეხბურთელი, რომელიც მადირდის რეალის ღირსებას იცავდა. აგრეთვე იგი გახლდათ მადრიდის რეალის პრეზიდენტი საფეხბურთო კარიერის დასრულების შემდეგ.

ფურიე (1903-1909) - პარაგესის შემდეგ იგი შეუერთდა ახლადდაფუძნებულ მადრიდის რეალს. იგი არის იმ ფეხბურთელთაგანი, რომლებმაც მოიგეს კლუბის სახელით პირველი ოფიციალური ტურნირი 1903 წლის 18 აპრილს.

რენე პეტიტი (1914-1917) - იგი თამაშობდა როგორც დაცვაში ასევე ნახევარდაცვაში. მან კლუბთან ერთად მოიგო ესპანეთის თასი 1917 წ.

ხუან პეტიტი (1914-1917) - რენეს ძმა, მან ძმასთან ერთად მოიგო ტურნირი. ისინი იძულებულნი იყვნენ დაესრულებინათ კარიერა პირველი მსოფლიო ომის დაწყების გამო.

ჰონი (1950-1953) - იგი შიძინა მადრიდის რეალმა ერთ-ერთი ფრანგული კლუბიდან. მან მონაწილეობა მიიღო ლა ლიგას 43 მატჩში და სამეფო თასის 6 მატჩში.


ლუსიანო (1950-1952) - შეუერთდა მადრიდის რეალს ჰონთან ერთად.

რაიმონდ კოპა(1956-1959) - ოქროს ბურთის მფლობელი, თავდამსხმელი, გაიტანა 30 გოლი მადრიდის რეალის შემადგენლობაში.

მიულერი (1962-1965) - ტექნიკური ნახევარმცველი, რომელმაც კარიერა ბარსელონაში გააგრძელა

კარემბე (1997-2000) - დაეხმარა მადრიდის რეალს მეშვიდე ჩემპიონთა ლიგის მოგებაში.

ანელკა (1999-2000) - თავის დროზე იყო მადრიდის რეალის ყველაზე ძვირადღირებული შენაძენი ახლა იგი თამასობს ჩელსიში.

მაკელელე (2000-2003) - ნახევარმცველი, რომელიც იყო მადრიდის რეალის ხერხემალი. მის შთამომავლად მადრიდის რეალში ითვლება ლასანა დიარა. ახლა იგი თამაშობს პსჟ-ში.

ზიდანი (2001-2006) - ბევრის აზრით მსოფლიოს ყველა დროსი საუკეთესო ფეხბურთელი. იგი არის შესული მსოფლიოს ყველა დროის 5 საუკეთესო ფეხბურთელთა სიაში. მან კარიერა დაასრულა 2006 წლის მსოფლიო ჩემპიონატის დასრულების შემდეგ.

ფობერი (2009) - გადმოვიდა 2009 წლის ზამთრის სატრანსფერო ფანჯრის დროს და ტრაბახის გარდა დიდად არაფრით დაუმახსოვრებია მადრიდის რეალის გულშემატკივრებისთვის თავი. ზაფხულში იგი თავის კლუბში დაბრუნდა

ლასანა დიარა (2009 - ჯერ კიდევ რეალშია) - იგი ძალიან ჰგავს თამაშის სტილით მაკელელეს, არის ძლიერი, სწრაფი და ტექნიკური საყრდენი ნახევარმცველი.������� dle 10.1������� ������� ������