მოგეხსენებათ, ადრიანო გალიანიმ ჟურნალისტებთან საუბრისას განაცხადა, რომ სამეფო კლუბის არგენტინელი წინახაზელი, ანხელ დი მარია „როსონერის“ ინტერესის არეალში გახლავთ...

Sky Italia-ს ცნობით „შავ-წითლებს“ არგენტინელის გადაბირება განუზრახავთ და გალიანი ფლორენტინო პერესთან შეხვედრას აპირებს, როგორც ჩანს სერია „ა“-ს ერთ-ერთ სოლიდურ წარმომადგენელს ფლანგის გაძლიერება აქვს განზრახული.

გავრცელებული ინფორმაციის თანახმად გალიანი მადრიდში საქმიანი წინადადებით ჩავა და ფეხბურთელის სანაცვლოდ ფლორენტინო პერესს 25 მილიონ ევროს შესთავაზებს, თავად ფეხბურთელთან კი საუბარი 5 წლიან კონტრაქტზე იქნება, ხელფასის პირობები რა თქმა უნდა უცნობია, რადგან ეს დი მარიასთან შეთანხმების შემდეგ უნდა გახდეს ცნობილი.

კარლო ანჩელოტის აზრი ანხელთან დაკავშირებით უცნობია. სავარაუდოდ ფლორენტინომ უკვე იცის თუ რას ფიქრობს იტალიელი სპეციალისტი არგენტინელ შემტევზე, აქედან გამომდინარე პრეზიდენტს რაღაც აზრი უკვე ექნება ჩამოყალიბებული, გალიანის კი ფლოროსთან ბრწყინვალე ურთიერთობის იმედი აქვს, ესპანელი პრეზიდენტი ადრიანოსთან კეთილდამოკიდებულებით ყოველთვის გამოირჩეოდა, სწორედ ამის ხარჯზე გაიჩარხა რიკარდო კაკას ტრანსფერი, რომელსაც მილანი კბილებით იჭერდა, თუმცა საბოლოო ჯამში ბრაზილიელმა თავი „ბლანკოსის“ რიგებში ამოყო.������� dle 10.1������� ������� ������