რობი კინი : „ბეილი რეალშიც ძლიერი იქნება“
ირლანდიელმა ფეხბურთელმა, რობი კინგმა გარეთ ბეილზე ისაუბრა და განაცხადა, რომ თუკი ის მადრიდის რეალში გადავა, ისეთივე ძლიერი იქნება, როგორიც აქამდე იყო...
„უელსელში დიდი ტალანტი დევს, მინდა გითხრათ, რომ აღფრთოვანებული გახლავართ მისი თამაშით, ის ნამდვილი ლიდერია, ჩვენი არაერთი სეზონი ჩავატარეთ ტოტენჰემის შემადგენლობაში, მაშინ ბეილი ამდენად ძლიერი არ იყო, მაგრამ პროგრესი აშკარა და თვალნათლივი გახლავთ, იგი თვალსა და ხელს შუა იზრდება და ყალიბდება, როგორც პროფესიონალი ფეხბურთელი.“
„ვერ გეტყვით, მინდა თუ არა მისი „ბლანკოსში“ გადასვლა, ტოტენჰემელებისთვის ეს ძალიან ცუდი იქნება, მე კი სწორედ ამ გუნდში ვირიცხებოდი და მათი დიდი გულშემატკივარი ვარ, მაგრამ ვთვლი, რომ თუ გარეთმა წასვლა გადაწყვიტა, მის გადაწყვეტილებას ყველამ პატივი უნდა სცეს.“
„თითოეულ ფეხბურთელს, ისევე როგორც ბეილს სურს ჩემპიონთა ლიგაში ასპარეზობა და ამ ტურნირის მოგება, სამეფო კლუბში კი მას ამის დიდი შანსი ექნება, ნამდვილად არ ვიცი როგორ განვითარდება მოვლენებით, თუმცა შემიძლია გითხრათ, რომ ბეილს მსოფლიოს საუკეთესო ფეხბურთელის ტიტულის მოგება სულ მალე შეეძლება.“
- 15 ივლისი 2013
- 1524
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
