მოდრიჩი : „გარეთმა კლუბი აუცილებლად უნდა შეიცვალოს“
ლუკა მოდრიჩის განცხადებით, გარეთ ბეილმა ყველაფერი უნდა გააკეთოს იმისათვის, რომ ტოტენჰემი დატოვოს და მადრიდის რეალის რიგებს შეუერთდეს, რადგან ეს მისთვის კარგი იქნება კარიერული თვალსაზრისით...
„მე არაერთხელ მითამაშია ტოტენჰემის მაისურით და ვიცი თუ როგორ დავწყვიტე გული გულშემატკივრებს, როდესაც მადრიდის რეალის ფორმა მოვირგე, მაგრამ მათ მე გამიგეს იმიტომ, რომ კარიერული წინსვლისთვის აუცილებელი იყო გარემოს შეცვლა და „ბლანკოსში“ გადასვლა.“
„როდესაც დიადი კლუბისგან გაქვს შემოთავაზება და კარიერის პიკზე ხარ, უარი არცერთ შემთხვევაში არ უნდა თქვა, რადგან შესაძლოა არასწორმა გადაწყვეტილებამ სავალალო შედეგებამდე მიგიყვანოს.“
„ამ ეტაპზე არ ვფიქრობ, რომ ბეილი კარიერის პიკშია თუმცა ვთვლი, რომ უელსელს აღარაფერი უკლია საუკეთესოობამდე, აქედან გამომდინარე მან შანსი უნდა გამოიყენოს და ტოტენჰემელები დაარწმუნოს, რომ იგი სამეფო კლუბში უნდა წავიდეს სათამაშოდ, ეს მისთვის უდიდესი წარმატება იქნება, იგი გახდება მსოფლიოს საუკეთესო კლუბის და კოლექტივის წევრი, ეს თითოეული ფეხბურთელის ოცნებაა, ზოგისთვის ახდენილი, ზოგისთვისაც კი აუხდენელი.“
„მსოფლიოს უამრავი ტალანტი ჰყოლია, მაგრამ მათ არ უასპარეზიათ „ბლანკოსის“ შემადგენლობაში, რადგან ვერ მოექცნენ ამ გუნდის ინტერესის არეალში, დიდი ბედნიერებაა, როდესაც შენს შეძენას „რეალი“ ცდილობს, ამ შემთხვევაში არავითარი აზრი არ აქვს ყოყმანს და ასე შემდეგ, თუ ტრანსფერი არ შედგება, ეს პირველ რიგში ბეილს დააზიანებს და არა სამეფო კლუბს.“
- 11 ივლისი 2013
- 1910
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
